Ջեզ եմ ներկայացնում օտար լեզվի ուսուցման իմ ծրագիրը: Օտար լեզվի ուսուցման հիմնական նպատակն է սովորողի մոտ խոսակցական, հաղորդակցական, օտար լեզվով միմյանց հետ շփվելու հմտությունների ձևավորումն ու զարգացումը: Կարևոր խնդիր և նպատակ է նաև ստացած գիտելիքների և հմտությունների գործածման կարողության զարգացումը: Լեզվի ուսուցման խնդիրները . Կրտսեր դպրոցում անհրաժեշտ է իրականացնել սովորողի ծանոթացում֊ընտելացումը նոր, իր համար լիովին անծանոթ լեզվին: Այս տարիքում այդ ծանոթացումը հիմնականում իրականացվում է երգերի, մուլտֆիլմերի և խաղերի միջոցով:: Դասավանդման առաջին իսկ փուլից անհրաժեշտ է աստիճանաբար և հետևողականորեն ամեն պարապմունքին ներմուծել մեկ֊երկու առօրյա արտահայտություն, դրանք անընդմեջ գործածել և կրկնել: Ձևավորել սովորոդի՝ իսպաներեն լեզվի մասին տարրական պատկերացում երգերի, ոտանավորների, պարզ արտահայտությունների, հարց ու պատասխանի միջոցով: Զարգացնել լսելու, խոսելու և հասկանալու հմտությունները: Հարկավոր է անընդհատ օգտագործել գրատախտակը և բացատրել այնպես, որ երեխայի վիզուալ հիշողության մեջ դա ավելի տպավորիչ լինի: Դա կատարել տարբեր գծապատկերների, սլաքների և ինչու չէ նաև նկարների միջոցով: Կրտսեր դպրոցում այդ ծրագիրը կարելի է անվանել Yo quiero… որը իսպաներենից թարգմանաբար նշանակում է Ես ցանկանում եմ… Այսինքն երեխան ցանկանում է սովորել նոր և օտար լեզու: Ավագ դպրոցի ծրագիրն անվանել եմ Yo puedo… որը թարգմանաբար նշնակում է Ես կարողանում եմ… Այսինքն կրտսեր դպրոցից ձեռք բերած գիտելիքներն արդեն կարողանում են օգտագործել և խորացնել իրենց օտար լեզվի իմացությունը: Ուսումնական ծրագիրը կարող է տարբերվել՝ կախված դասի նպատակից, եղանակային պայմաններից և կազմակերպման ձևից: Կրթահամալիրի ընդարձակ և թափանցիկ սենյակները, ինչպես նաև տարբեր մասնաճյուղերի հագեցած միջավայրերը հնարավորություն են ընձեռում իրականացնել ավելի տպավորիչ և արդյունավետ դասապրոցեսներ: Այդ ամենը կարելի է իրականացնել դաս֊խաղերի, ընթերցումների, երգերի, երգխոսությունների ինչպես նաև տարբեր միջոցառումների կազմակերպման միջոցով: Որպես աշխատանքային նյութեր կլինեն վերջին տարիներին հրատարակված իսպանական դասագրքեր, որոնք սովորողները կունենան ներբեռնված իրենց համակարգիչներում: Ինչպես նաև կլինեն բազմաթիվ հետաքրքիր նյութեր և նկարներ, որոնք պարբերաբար կհրապարակվեն բլոգներում: Որպես իմ ուսումնական ծրագրի գերխնդիր ես ցանկանում եմ նշել, որ յուրաքանչյուր սովորող հանդիսանում է լիարժեք անհատականություն և հարկավոր է ցուցաբերել մաքսիմալ անհատական և հետևողական վերաբերմունք և չփորձել տարանջատել ներառական երեխաներին մյուսներից: Եթե ցանկանում են ուրեմն կարող են սովորել տվյալ օտար լեզուն:
Մարիամ Հունանյանի բլոգ 
Для отправки комментария необходимо войти на сайт.