Շտապե՜ք երեխաներ, թռչել ենք սովորելու: Շ. Ամոնաշվիլի (վերլուծություն)

Շ. Ամոնաշվիլիի մտքերն ուսումնասիրելով եկել եմ այն եզրահանգմանը, որ կյանքում միշտ պետք է հետևել սրտի թելադրանքին և այն մեզ կուղորդի դեպի ճշմարիտը: Միայն թե դա պետք է անել մեծ հավատով: Սիրտը կարող է սովորեցնել ամեն ինչ և կտա բոլոր դժվարին և հուզող հարցերի պատասխանները: Կյանքի մյուս կարևորագույն խնդիրներից է երեխայի ճիշտ դաստիարակությունը, որը պետք է կատարել մեծ նվիրումով և իմաստություն հաղորդելով: Անհրաժեշտ է երեխային ծանոթացնել կյանքի թռիչքներին: Արդյունքում մենք ականատես կլինենք մի աներևակայելի թռիչքի՝ դեպի նոր և ինքնուրույն կյանք: Մանկավարժության մեջ նույնպես հարկավոր է երեխային սովորեցնել թռչել, որպեսզի նրանք ստեղծեն իրենց գիտելիքների թռիչքուղին և երբեք չխոչընդոտել նրանց մտքի քռիչքին: Մանկավարժը պետք է հետևի, որ երեխան չսայթաքի և միշտ քաջալերի նրա թռիչքները: Այդ ամենը հարկավոր է անել հույսով, հավատով և մեծ նվիրումով: Մանկավարժի ամենակարևոր և առաջնային սկզբունքը պետք է լինի այն, որ երբեք չբռնանա երեխայի մտքի և կամքի վրա:

«Մուտք կրթահամալիր» մանկավարժական ճամբար

Օր երրորդ

Այսօր մեր ճամբարի երրորդ օրն էր: Մայր դպրոցում ունեցանք ընդհանուր պարապմունք՝ ազգագրական երգերի ու պարերի ուղեկցությամբ: Այնուհետև ուղևորվեցինք Արևմտյան դպրոց և սկսեցինք մեր ծրագրային պարապմունքները: Զառա Ոսկանյանի ծիսական արվեստանոցում սովորեցինք կավով աշխատել: Կարմիր կավից պատրաստեցինք շատ յուրահատուկ զատիկներ: Շարունակեցինք մեր օրը փոքրիկների հետ՝ երգերով, պարերով և հետաքրքիր խաղերով: Պարապմունքն ավարտելուց հետո րեխաների հետ գնացինք Ագարակ: Այսօր Ագարակին փորձեցինք ծանոթանալ արդեն փոքրիկների հիացած աչքերով: Տեսնելով նրանց ոգևորվածությունը, մեծ սերը և կենդանիներին խնամելու իրենց չափազանց տպավորիչ մոտեցումը՝ մեծ հիացմունք ապրեցինք և դրական լիցքերով շարունակեցինք մեր պարապմունքը: Անցկացրեցինք հերթական շախմատի պարապմունքը և ավելացրեցրնք մեր գիտելիքները: Այսօրվա օրը նույնպես տպավորիչ էր, քանի որ այդ ամենին զուգահեռ դրսում վայելում էինք գարնանային արևն ու նոր ծաղկած ծառերի անուշ բույրը: